A CASA DAS MIÑOCAS - VERMICOMPOSTEIRO

Para facer unha casa de miñocas, precisamos: un bote, comida moi madura, miñocas e moita intriga… hoxe fixemos un vermicomposteiro, e dicir, unha casiña para os vermes, cunha camiña de área, unha despensa de comida e outra mantiña de terra e así sucesivamente ata encher o tarro de vidro. Os pequenos foron quen de construír unha confortable vivenda, logo lle engadiron una reserva de auga e aloxaron a unha familia de cinco membros de lombrices en cada casa. Abriron unhas pequeñas fiestras no tellado da vivenda, e para rematar protexeron o bote cun pouco de papel de aluminio. Que casas máis chulas!

É moi importante concienciar aos cativos sobre a importancia do abonado e dun bo sustrato para obter bos produtos da horta que logo poderemos consumir con seguridade. Saber como desfacernos dos restos orgánicos na casa e ver a súa utilidade é moi importante nesta labor.